Баспасөз-қызметі

Бүгін Астанада бірінші JasREPUBLIC CUP ұлттық пікірсайыс турнирі аяқталды. «Әділетті, таза және қауіпсіз Қазақстан» тақырыбында өткен республикалық турнирде аймақтық байқаулардан іріктелген үздік 40 команда өзара бақ сынады.

Ұлттық пікірсайыс турнирін «Назарбаев Зияткерлік мектептері» дербес білім беру ұйымы мен «ÖzgerTeam» қоғамдық қоры бірлесе отырып, «Respublica» партиясының қолдауымен ұйымдастырды.

Шараның жабылу салтанатына Қазақстан Республикасы Парламенті Мәжілісінің депутаты Нұргүл Тау, «Назарбаев Зияткерлік мектептері» дербес білім беру ұйымының Тәрбие жұмысы департаментінің директоры Гүлдана Сәдуақасова және «ÖzgerTeam» қоғамдық қорының төрағасы Мұрат Жұманбай қатысты.

JasREPUBLIC CUP ұлттық пікірсайыс турнирінің жеңімпаздары мен жүлдегерлері:

Қазақ лигасы

I орын – Астанадағы физика-математика бағытындағы NIS оқушылары Асанәлі Болат, Әмірхан Қайрбеков және Нұрхан Мұқанов («Just 3 of us» фракциясы)

II орын – Семейдегі Ыбырай Алтынсарин атындағы №37 гимназиясы оқушылары Айсұлу Қайратқызы, Аяла Ролланова, Ұлжан Төлеуғазы («Shyraq» фракциясы)

III орын – Екібастұз қаласындағы 36 лицей-мектебінің оқушылары Наргиз Шалбаева, Арайлым Ерлан, Айлин Шалбаева («Жарық жұлдыз» фракциясы)

Орыс лигасы

I орын – Астана қаласындағы №5 гимназия оқушылары София Шульгина, Әмір Қайыргелді және Кристина Савчук («Азимут» фракциясы)

II орын – Алматыдағы №51 мектеп-гимназия Ажар Сеитова, Мади Гилимхан және Анна Слепичева («Әділет» фракциясы)

III орын – Қарағандыдағы Нұрмақов мектебінің оқушылары Аяжан Олжагелді, Ислам Жанат және Айдана Тілеуғабыл («Nurmakov B» фракциясы)

Сондай-ақ турнирде Астанадағы физика-математика бағытындағы NIS оқушысы Асанәлі Болат пен Семейдегі NIS-тен Аружан Мұздыбай «Үздік спикер» номинациясына ие болды.

Айта кетейік, байқау жеңімпаздарына ақшалай сыйақы мен естелік сыйлықтар табысталды.